2025-03-28T01:46:46Z

---

Ang Police Regional Office 7 (PRO7) nakakab-ot sa pinakataas nga rekord sa nasud sa pagsakmit sa ilegal nga armas atol sa pagpatuman sa COMELEC gun ban, nga misangpot sa 877 ka unregistered firearms nga nasakmit sukad sa pagsugod sa COMELEC Gun Ban niadtong Enero 12, 2025. Base sa pinakabag-ong datos sa PRO7: 811 ka armas ang nakuha atol sa mga police operations, buy-bust, ug emergency response.53 ka armas ang nasakmit pinaagi sa search warrants. 7 ka armas ang nakumpiska sa pagpatuman sa warrants of arrest, ug 6 ka armas ang nadiskubre sa mga checkpoint sa rehiyon. Tungod niini, ang PRO7 nakakab-ot sa pinakataas nga ihap sa nasakmit nga pusil sa 17 ka regional police offices sa nasud, nga milabaw sa: National Capital Region Police Office (NCRPO) – 675 ka armas nasakmit, Police Regional Office 3 (PRO3) – 503 ka armas ang nasakmit. Sumala ni Police Brigadier General Redrico Atienza Maranan, Regional Director sa PRO7, ang ilang kalampusan nagpakita sa paningkamot sa kapulisan nga maseguro ang kalinaw sa rehiyon, ilabi na sa umaabot nga eleksyon. “This is a result of our intensified security operations and our commitment to preventing election-related violence. Every firearm we recover is one less tool for crime and intimidation. We will continue working around the clock to ensure that the people of Central Visayas can vote freely and safely,” matod sa PRO7-PIO. Nag-awhag ang kapulisan sa publiko nga magtinabangay sa pagsiguro sa hapsay ug malinawon nga piniliay pinaagi sa pagsuporta sa balaod ug sa ilang kampanya batok sa ilegal nga armas. Source: PRO7, PIO I via Renante Socia Lada © 2022 Radio Philippines Network, Inc. All Rights Reserved.