2025-03-28T01:53:18Z

---

Mikunhod og 21.29 porsyento ang crime rate sa Region 7 sulod sa 70 ka adlaw, sumala sa Police Regional Office 7 (PRO-7). Kini base sa datos gikan sa Philippine National Police (PNP) Crime Information Reporting and Analysis System (CIRAS) nga nagpakita sa pagkunhod sa walo ka major crimes nga narekord sa rehiyon. Gikan sa 836 ka kaso nga natala sa panahon sa Nobyembre 3, 2024, hangtod Enero 11, 2025, kini mikunhod sa 658 ka kaso atol sa election period nga nagsugod sa Enero 12 hangtod Marso 22, 2025—usa ka 178-case reduction. Matod pa, ang positibong resulta gipasidunggan sa mas gipakusgang police visibility, enhanced checkpoint operations, ug crime prevention efforts sa rehiyon. Ang Bohol Provincial Police Office nakadokumento sa pinakadakong pagkunhod nga may 19 ka insidente, gisundan sa Cebu Provincial Police Office nga may 14 ug sa Cebu City Police Office nga may 8 ka mas gamay nga insidente. Apan, adunay gamay nga pagsaka sa kaso sa vehicle carnapping, nga nakadugang og usa ka insidente. Matod sa PRO-7, ang kasagaran nga hinungdan sa physical altercations kay mga panagbangi nga may kalabotan sa alkohol, sa maong rason gipalbo ang community-based policing ug proactive patrols, gikinahanglan aron malikayan ang mga insidente. Basi sa datos, 96.68% Crime Clearance Efficiency (CCE) rate ang natala atol sa election period. Samtang, 4.99% ang pagsaka sa Index Crime Solution Efficiency, tungod sa paspas nga pagresponde sa kapulisan nga miresulta sa pagkadakop sa mga kriminal ug pagpailawom kanila sa kaso. Matud ni Brig. Gen. Maranan, ang maayong resulta nagpakita sa kusog nga suporta sa komunidad ug epektibong estratehiya sa kapulisan aron mahatagan ug mas luwas nga palibot ang mga lumulupyo sa Central Visayas. “This positive trend in decreasing crime rates illustrates the commendable efforts of law enforcement in Central Visayas, as well as the strong support from the community. Collectively, we have implemented various proactive strategies aimed at enhancing public safety, preventing criminal activity and fostering community trust. Consequently, the community’s sense of security has improved, leading to a markedly more peaceful and safer Region 7,” matod ni Police Brigadier General Maranan. Gidasig usab niya ang padayon nga pagbantay ug striktong pagpatuman sa mga crime prevention strategies aron mapadayon ug mapalambo pa ang maayong resulta. Source: PRO7-PIO I via Renante Socia Lada © 2022 Radio Philippines Network, Inc. All Rights Reserved.